¡Familias do Eusebio, é o momento de alzar a voz pola educación pública!
Como xa vos contamos, o próximo sábado 28 de febreiro, as familias estamos chamadas a participar nunha manifestación para defender e reclamar unha educación pública digna, de calidade e cos recursos que os nosos fillos e fillas merecen. Gustaríanos contar coa participación do maior número posible de familias, porque cantas máis sexamos, máis forza terá a nosa mensaxe.
Nos últimos anos, a xestión dos recursos destinados ao sistema educativo público —tanto en persoal docente e non docente como en infraestruturas— amosou importantes carencias. As necesidades acumúlanse e moitas seguen sen resposta ou sen un plan de resolución.
A Federación de AMPAS da provincia da Coruña (FEDAPA) elaborou un INFORME sobre as necesidades dos centros públicos do Concello da A Coruña, que pon de manifesto unha realidade preocupante. Descárgate aquí o informe para saber máis do que esta a acontecer.
A manifestación convocada para este 28 de febreiro pola FEDAPA, co respaldo das AMPAS e AFAS que a integran, está pensada especialmente para as familias, aberta á participación de nenas, nenos e adolescentes, nun ambiente pacífico, respectuoso e reivindicativo.
Ás familias do Eusebio, propoñémosvos atoparnos previamente na “nosa” praza de Pontevedra, para acudir xuntas se queredes, sobre as 10:45 h cara ao punto de saída.
Á fronte da manifestación haberá unha pancarta principal en representación de todas as AMPAS e AFAS, e no punto de saída repartiranse bandeiríñas e chapas do acto. Non haberá unha pancarta propia da nosa AMPA, polo que vos animamos a traer os vosos propios carteis e mensaxes.
Esta convocatoria é apolítica e sen símbolos partidistas ni sindicais, porque a educación pública é unha responsabilidade colectiva que debe estar por riba de calquer ideoloxía.
¿Por qué é importante participar?
O noso centro tal vez no é dos máis perxudicados, si nos comparamos con outros. Pero iso non significa que non teñamos necesidades sen cubrir:
- Existe unha listaxe de melloras, reformas e obras necesarias que seguen nunha espera interminable, sin data ni planificación prevista de resolución.
- Temos máis profesorado especialista PT y AL que o curso pasado, pero menos que no curso 2023/2024. Aínda así, segue sendo insuficiente para atender a todo o alumnado como se merece. Esta situación obriga a realizar esforzos constantes ás familias, e cunha sobrecarga para o profesorado, que dificulta unha atención plena e axeitada para todos.
Pero esta reivindicación non é só polo noso centro. É por todos os centros públicos. É por todo o alumnado. É polo presente e o futuro da nosa sociedade.
Son tantas as carencias e tan xeneralizadas que todas las AMPAS e AFAS se uniron para dicir, alto e claro:
“QUEREMOS UNHA EDUCACIÓN PÚBLICA DIGNA E DE CALIDADE”
Animámosvos a participar. A vosa presenza é importante. A nosa unión é a nosa forza.
